اسرائیلی حملوں سے صرف ریڈار سسٹم کو ہی نقصان پہنچا: ایرانی فوج
ایران کی ترجیح غزہ اور لبنان میں جنگ بندی ہے
ایران کی فوج نے ہفتے کے روز کہا کہ تہران اور دیگر صوبوں پر اسرائیلی حملوں میں صرف ریڈار سسٹم کو نقصان پہنچا اور یہ بھی کہا ہے کہ وہ غزہ اور لبنان میں جنگ بندی کو ترجیح دے رہی ہے۔
مسلح افواج کے جنرل سٹاف نے سرکاری ٹیلی ویژن پر پیش کیے گئے ایک بیان میں کہا، "ملک کے فضائی دفاع کی بروقت کارکردگی کی بدولت حملوں میں محدود نقصان ہوا اور چند ریڈارز کو نقصان پہنچا۔ بڑی تعداد میں میزائلوں کو روکا گیا اور دشمن کے طیاروں کو ملک کی فضائی حدود میں داخل نہ ہونے دیا گیا۔"
نیز کہا گیا، اسرائیلی طیارے ہمسایہ ملک عراق کی امریکی گشت والی فضائی حدود کے اندر "فاصلے سے بہت ہلکے وار ہیڈز کے ساتھ طویل فاصلے تک مار کرنے والے میزائلوں کی ایک مختصر سی تعداد" ہی فائر کر سکے۔
فوری جوابی کارروائی کے کسی بھی خطرے سے محفوظ رکھنے کے لیے عام عملے کو پیچھے ہٹا لیا گیا۔
بیان میں کہا گیا، "اگرچہ ایران مناسب وقت پر جواب دینے کا قانونی اور جائز حق محفوظ رکھتا ہے لیکن وہ غزہ اور لبنان میں دیرپا جنگ بندی کے قیام کو ترجیح دے رہا ہے۔"
