وقت مطالعہ
گھنٹہ
اسرائیلی وزیر دفاع یوو گیلنٹ نے فوجیوں سے کہا ہے کہ غزہ سے یرغمالی رہا کرانے کے لیے اپنا جنگی دباؤ جاری رکھنا ہو گا۔ اسی دباؤ کے نتیجے میں ایک سال سے زائد عرصے کے لیے غزہ میں قید یرغمالیوں کی واپسی کی ضمانت مل سکے گی۔
ان کا کہنا تھا بنیادی ایشو ہی یہ ہے کہ جس قدر ممکن ہو حماس پر دباؤ بڑھایا جائے تاکہ یرغمالیوں کی رہائی کا ماحول سازگار ہو جائے۔ یوو گیلنٹ نے فوجیوں کو مخاطب کرتے ہوئے کہا آپ کی ذمہ داری ہے کہ دہشت گردی کے خاتمے کے لیے جنگی دباؤ بڑھائیں۔
یوو گیلنٹ کا یہ بیان بدھ کے روز ان کے دفتر نے جاری کیا ہے ۔ وہ اس سے چند دن پہلے یہ بھی کہہ چکے ہیں کہ سارا کام اکیلی فوج نہیں کر سکتی یرغمالی رہا کرانے کے لیے ہمیں حماس کو کچھ رعائتیں دینا ہوں گی۔
