اولین سرکاری دورہ سعودی عرب کا ہو گا: لبنان کے نئے صدر کا بیان

ہفتے کے روز لبنانی ایوانِ صدر کے ایکس اکاؤنٹ پر پوسٹ کردہ ایک بیان کے مطابق لبنان کے نومنتخب صدر جوزف عون سعودی ولی عہد شہزادہ محمد بن سلمان کی دعوت کے بعد سعودی عرب کا دورہ کریں گے۔

شہزادہ محمد نے ایک فون کال کے دوران عون کو صدر منتخب ہونے پر مبارکباد دی اور انہیں سعودی فرمانروا شاہ سلمان کی مبارکباد کا بیغام بھی دیا۔

مزید ترقی اور خوشحالی کے لیے نیک تمناؤں کے ساتھ ولی عہد نے عون اور لبنان کے عوام کے لیے اپنی مخلصانہ مبارکباد اور کامیابی کی امیدوں کا اظہار بھی کیا۔

عون نے ولی عہد کو بتایا، "سعودی عرب ان کے بیرونِ ملک دوروں کی پہلی منزل ہو گی۔"

بیان میں دورے کی تاریخ نہیں بتائی گئی۔

جمعرات کو 61 سالہ عون کو ووٹنگ کے دوسرے دور کے دوران پارلیمنٹیرینز نے ملک کے 14ویں صدر کے طور پر منتخب کیا جس سے اس عہدے پر 26 ماہ سے جاری تعطل ٹوٹ گیا۔

پارلیمنٹ کے سامنے عہدے کا حلف اٹھانے کے بعد اپنی تقریر میں انہوں نے کہا، ملک ایک نئے دور میں داخل ہو رہا ہے۔

اکتوبر 2022 میں مائیکل عون کی مدت ختم ہونے کے بعد سے بحیرۂ روم کا ملک صدر کے بغیر رہا ہے۔ ایران کی حمایت یافتہ حزب اللہ تحریک اور اس کے مخالفین کے درمیان کشیدگی سے ایک درجن سابقہ ووٹ ختم ہو گئے تھے۔