وقت مطالعہ
گھنٹہ
سعودی عرب کے کسٹم حکام کے مطابق مملکت میں زمینی، فضائی اور سمندری بندرگاہوں پر کسٹم حکام نے صرف ایک ہفتے دوران 2,124 ممنوعہ اشیاء ضبط کی ہیں
خبر رساں ادارے 'سعودی پریس ایجنسی' نے ہفتے کے روز رپورٹ کیا کہ یہ اعداد و شمار معاشرے کو سمگلنگ اور غیر قانونی سرگرمیوں سے بچانے کے لیے اتھارٹی کے عزم کےعکاس ہیں۔۔
بتایا گیا ہے کہ ہفتے کے دوران کریک ڈاؤن میں ممنوعہ اشیاء سے متعلق 350 سے زائد کیسز شامل تھے، جن میں سے 98 کیسز مملکت میں چرس، کوکین، ہیروئن، شبو اور کیپٹاگون کی گولیوں کے دھندے کے حوالے سے تھے۔
علاوہ ازیں سعودی حکام حکام نے تمباکو اور اس سے بنی اشیاء کی سمگلنگ کی 1,745 سے زیادہ کوششوں کو بھی ناکام بنایا، 22 کیسز میں رقم اور تین کیسز جن میں ہتھیار اور متعلقہ اشیا بھی شامل تھیں۔
