ہم نے جنوبی لبنان میں حزب اللہ کے بنیادی ڈھانچے کو نشانہ بنایا ہے: اسرائیل

اسرائیلی فوج نے جمعرات کو کہا کہ اس نے جنوبی لبنان میں حزب اللہ کے بنیادی ڈھانچے کو راتوں رات نشانہ بنایا ہے۔ صہیونی فوج نے ایک بیان میں مزید کہا کہ اسرائیلی دفاعی فورسز نے جنوبی لبنان میں حزب اللہ کے بنیادی ڈھانچے کو نشانہ بنایا ہے۔ فوج نے توثیق کی ہے کہ وہ حزب اللہ کی طرف سے سویلین احاطہ میں دوبارہ فوجی موجودگی کی کسی بھی کوشش کے خلاف کارروائی کرے گی۔

حزب اللہ اور اسرائیل کے درمیان 27 نومبر کو امریکی ثالثی میں جنگ بندی کے معاہدے کے باوجود اسرائیل نے جنوبی اور مشرقی لبنان کے کئی علاقوں پر حملے جاری رکھے ہوئے ہیں۔ اسرائیل کا کہنا ہے کہ وہ حزب اللہ کے ارکان اور تنصیبات کو نشانہ بنا رہا ہے اور جنگ کے بعد گروپ کو اپنی صلاحیتوں کو دوبارہ بنانے کی اجازت نہیں دے گا۔

اگرچہ اسرائیل کے لیے جنگ بندی معاہدے کے تحت جنوبی لبنان سے اپنی افواج کے انخلاء کی ڈیڈ لائن 18 فروری کو ختم ہو گئی تھی لیکن اس نے سرحد کے ساتھ جنوبی لبنان میں پانچ سٹریٹجک پوائنٹس پر اپنی موجودگی برقرار رکھی ہے۔