غزہ معاہدے پر دستخط ہونے تک 'تشدد میں کمی یا جنگ بندی' کی جائے: مصر کا اسرائیل پر زور

مصری صدر عبدالفتاح السیسی نے جمعرات کو ثالثین پر زور دیا کہ وہ غزہ جنگ بندی معاہدے پر دستخط ہونے تک "اسرائیلیوں کو کشیدگی میں کمی یا جنگ بندی پر راضی کریں"۔

امریکی سفیروں سٹیو وِٹکوف اور جیرڈ کشنر کے ساتھ ایک ملاقات میں اُنھوں نے کہا کہ غزہ میں پیش رفت "شاید معاہدے کی روح کے مطابق نہ ہو" جہاں جمعرات کو اسرائیلی حملے جاری تھے۔

دریں اثناء السیسی نے جمعرات کو امریکی صدر ڈونلڈ ٹرمپ سے فون پر بات کی اور انہیں مصر میں غزہ جنگ بندی معاہدے کی تقریب میں شرکت کی دعوت دی۔ یہ بات مصری ایوانِ صدر نے ایک بیان میں کہی۔

بیان میں مزید کہا گیا کہ مصری رہنما نے غزہ جنگ بندی معاہدے کے تمام مراحل پر عمل درآمد کے لیے آگے بڑھنے کی ضرورت پر زور دیا اور اصرار کیا کہ ٹرمپ اس پر عمل درآمد کی حمایت اور نگرانی کریں۔