قطر ایئرپورٹ پر منشیات اسمگلنگ کی کوشش ناکام

قطر کے حمد بین الاقوامی ہوائی اڈے کی کسٹمز انتظامیہ نے ایک خاتون مسافر کے قبضے سے منشیات کی بڑی مقدار برآمد کرکے اسے ملک میں اسمگل کرنے کی کوشش ناکام بنا دی۔

حکام کے مطابق مسافر خاتون کے پاس سے دو اعشاریہ آٹھ کلوگرام چرس اور نو سو گرام شبو برآمد ہوئی۔

قطر کی جنرل کسٹمز اتھارٹی نے اپنے سرکاری اکاؤنٹ پر بتایا کہ تفتیش کے دوران ایک خاتون کسٹمز آفیسر کو مسافر خاتون کے روّیے پر شبہ ہوا جس پر اسے خصوصی آلات کے ذریعے چیک کیا گیا اور پھر حراست میں لے لیا گیا۔