الزبیدی عدن سے بحری راستے فرار ہوا اور صومالیہ سے ہوائی جہاز سے ابوظبی پہنچا:عرب اتحاد

یمن میں آئینی حکومت کی حمایت کرنے والے عرب اتحاد کے سرکاری ترجمان، میجر جنرل ترکی المالکی نے اعلان کیا ہے کہ اتحاد کی قیادت کو یمن کے باغی لیڈر عیدروس الزبیدی کے عدن شہر سے روانہ ہونے کے حالات و واقعات سے متعلق تفصیلی انٹیلی جنس معلومات حاصل ہوئی ہیں۔ یہ وضاحت سنہ سات جنوری 2026ء کو جاری بیان کے تسلسل میں سامنے آئی ہے۔

المالکی نے بتایا کہ دستیاب معلومات کے مطابق عیدروس الزبیدی اور دیگر افراد سات جنوری کی رات نصف شب کے بعد عدن سے ایک بحری ذریعے کے ذریعے روانہ ہوئے۔ اس بحری ذریعے کا نام BAMEDHAF اور رجسٹریشن نمبر 8101393 – IMO تھا، جو بندرگاہ عدن سے صومالی لینڈ کے خطے کی جانب روانہ ہوا۔ سفر کے دوران انہوں نے خودکار شناختی نظام اور ٹریکنگ سسٹم بند رکھا گیا، جبکہ یہ بحری جہاز دوپہر تقریباً بارہ بجے بندرگاہ بربرہ پہنچا۔

رابطہ، ہم آہنگی اور فضائی منتقلی

ترجمان کے مطابق معلومات سے یہ بھی سامنے آیا کہ الزبیدی نے ایک افسر سے رابطہ کیا جس کا عرفی نام ابو سعید تھا، بعد میں اس کی شناخت میجر جنرل عوض سعید مصلح الاحبابی کے طور پر ہوئی جو اماراتی جوائنٹ آپریشنز کا کمانڈر ہیں۔ الزبیدی نے انہیں بربرہ پہنچنے کی اطلاع دی۔

انہوں نے مزید بتایا کہ ایلیوشن طیارہ ماڈل IL-76، جس کا فلائٹ نمبر 9102 – MZB تھا الزبیدی اور ان کے ہمراہ افراد کے انتظار میں موجود تھا۔ اماراتی افسران کی نگرانی میں طیارے نے انہیں سوار کیا اور حتمی منزل ظاہر کیے بغیر روانہ ہوگیا۔ یہ طیارہ سہ پہر تین بج کر 15 منٹ پر موگادیشو ایئرپورٹ پر اترا، وہاں تقریباً ایک گھنٹہ رکا اور پھر چار بج کر 17 پر دوبارہ خلیج عرب کی سمت بحر عرب کے راستے روانہ ہو گیا۔

المالکی نے بتایا کہ طیارے کا شناختی نظام خلیج عمان کے اوپر بند کر دیا گیا تھا اور لینڈنگ سے دس منٹ قبل دوبارہ فعال کیا گیا۔ بعد ازاں طیارہ رات آٹھ بج کر 47 منٹ مملکت کے وقت کے مطابق ابوظبی کے الریف فوجی ہوائی اڈے پر اترا۔ انہوں نے نشاندہی کی کہ اس قسم کے طیارے اکثر تنازعات والے علاقوں میں استعمال ہوتے ہیں اور ان کے روٹس میں لیبیا، ایتھوپیا اور صومالیہ شامل رہے ہیں۔

بحری ذریعے کی تفصیلات

اتحاد کے ترجمان نے وضاحت کی کہ بحری ذریعے BAMEDHAF کے اندراجی ریکارڈ کے جائزے سے معلوم ہوا ہے کہ یہ سینٹ کٹس اینڈ نیوس کا پرچم بردار ہے۔ یہی پرچم اس جہاز گرین لینڈ پر بھی موجود تھا جس کا ذکر اتحاد نے سنہ 30 دسمبر 2025ء کے ایک بیان میں کیا تھا۔ اس بیان میں فجیرہ بندرگاہ سے المکلا بندرگاہ تک جنگی گاڑیوں اور اسلحہ کی منتقلی کا ذکر تھا۔

دیگر شخصیات کے انجام پر نظر

ترکی المالکی نے اس بات کی تصدیق کی کہ اتحادی افواج اب بھی ان افراد کے انجام سے متعلق معلومات کا تعاقب کر رہی ہیں جن کے بارے میں کہا گیا ہے کہ وہ عدن سے روانگی سے قبل الزبیدی سے آخری ملاقات کرنے والوں میں شامل تھے۔ ان میں عدن کے سابق گورنر احمد حامد لملس اور عدن میں سکیورٹی بیلٹس فورسز کے کمانڈر محسن الوالی شامل ہیں۔ انہوں نے بتایا کہ تاحال ان دونوں سے رابطہ منقطع ہے۔