ایران پر سائبر حملہ، ٹیلی ویژن پر پہلوی کی حمایت میں ویڈیو چلا دی

ایران کے سرکاری ٹیلی ویژن کی نشریات کے دوران سائبر حملہ کیا گیا۔ سائبر حملے کے دوران ایرانی ٹی وی چینل کی اسکرین پر رضا شاہ پہلو کی حمایت میں مناظر دکھانے میں کامیاب رہے اور سکیورٹی اہلکاروں سے کہا کہ وہ عوام پر گولی نہ چلائیں۔

خبر رساں ادارے ’ایسوسی ایٹڈ پریس‘ کے مطابق یہ مناظر اتوار کی شام ایران کے ریڈیو و ٹیلی ویژن اتھارٹی کے مختلف چینلز پر نشر کیے گئے، جو ملک میں نشریات کی مکمل نگرانی کرنے والا سرکاری ادارہ ہے۔

ویڈیو میں امریکہ میں مقیم رضا پہلوی کے دو مناظر شامل تھے ۔ اس کے علاوہ اس کے بعد سکیورٹی اہلکاروں اور دیگر افراد کو دکھایا گیا، جن کے لباس ایرانی پولیس کے لگ رہے تھے۔ ویڈیو میں بغیر کسی ثبوت کے دعویٰ کیا گیا کہ بعض افراد نے اپنی ہتھیار ڈال دیے اور عوام کے ساتھ وفاداری کی قسم کھائی۔

ایک منظر میں کہا گیا کہ "یہ پیغام فوج اور سکیورٹی اہلکاروں کے لیے ہے، اپنی ہتھیار عوام کے خلاف استعمال نہ کریں۔ ایران کی آزادی کے لیے قوم میں شامل ہوں۔"

پاسدارانِ انقلاب کی زیر نگرانی فارس نیوز ایجنسی نے ایران کے ریڈیو و ٹیلی ویژن کارپوریشن کا بیان نقل کیا جس میں تسلیم کیا گیا کہ "ملک کے بعض علاقوں میں نامعلوم ذریعہ سے نشریات عارضی طور پر تعطل کا شکار ہوئی ہیں۔ بیان میں نشریات کے مواد کا ذکر نہیں کیا گیا۔

پہلوی کے دفتر کی طرف سے بھی اس ہیکنگ کی تصدیق کی گئی، لیکن ایسوسی ایٹڈ پریس کی جانب سے پوچھے گئے سوالات کا جواب نہیں دیا گیا۔

ہیکنگ حملے کے دوران پہلوی نے کہا کہ "میرے پاس فوج کے لیے ایک خاص پیغام ہے۔ آپ ایران کی قومی فوج ہیں، نہ کہ اسلامی جمہوریہ کی فوج۔ آپ کا فرض ہے کہ اپنی جانوں کی حفاظت کریں۔ آپ کے پاس زیادہ وقت نہیں بچا۔ جتنی جلدی ممکن ہو عوام کے ساتھ شامل ہوں۔"

سوشل میڈیا پر گردش کرنے والے مناظر جن کے بارے میں خیال کیا جاتا ہے کہ اسٹار لنک سیٹلائٹس کے ذریعے انٹرنیٹ کی بندش کو بائی پاس کرنے والے افراد نے فلمایا، اس حملے کو مختلف چینلز پر نشر ہونے کے دوران دکھاتے ہیں۔ پہلوی کی مہم نے بھی یہ مناظر جاری کیے۔