ہمارے لڑاکا طیاروں نے ایرانی ڈرونز اور دیگر میزائل مار گرائے : قطر

قطر کی وزارتِ خارجہ نے CNN کو دیے گئے خصوصی بیان میں تصدیق کی ہے کہ قطری لڑاکا طیاروں نے ایرانی ڈرونز اور دیگر میزائل نما ہتھیاروں کو مار گرایا۔ وزارت کے مطابق جن ایرانی حملوں کو ناکام بنایا گیا، وہ بین الاقوامی ہوائی اڈے کو نشانہ بنا رہے تھے۔
اسی تناظر میں دوحہ نے اپنے بیان میں زور دیا کہ ایران کو اپنے "کھلے عام حملوں" کی قیمت چکانا ہو گی۔ ساتھ واضح کیا گیا کہ جن حملوں کو روکا گیا وہ شہری بنیادی ڈھانچے کو نشانہ بنا رہے تھے۔

ادھر قطر کی وزارتِ داخلہ نے آج عوام سے اپیل کی ہے کہ کسی بھی مشکوک یا نا معلوم چیز کے قریب نہ جائیں اور نہ ہی اس سے چھیڑ چھاڑ کریں، بلکہ فوری طور پر ہنگامی نمبر (999) پر اطلاع دیں۔

وزارت نے "ایکس" پلیٹ فارم پر اپنے اکاؤنٹ کے ذریعے جاری بیان میں کہا کہ ان ہدایات پر عمل عوامی سلامتی کو بہتر بناتا ہے اور متعلقہ اداروں کو ایسے مشکوک اشیا سے نمٹنے میں تیزی فراہم کرتا ہے۔