ایران کی تین فٹ بال کھلاڑی آسٹریلیا سے وطن واپس روانہ

آسٹریلیا کے وزیر داخلہ ٹونی برک نے اتوار کے روز اعلان کیا ہے کہ ایرانی خواتین کی قومی فٹ بال ٹیم کی مزید تین ارکان واپس روانہ ہو گئی ہیں۔

برک نے بتایا کہ ان تینوں خواتین نے اپنے وطن واپس جانے کا فیصلہ کیا ہے جبکہ ایرانی ٹیم کی قسمت اس ہفتے کافی بحث کا مرکز بنی رہی کیونکہ ایشیا کپ سے باہر ہونے کے بعد ابتدا میں پانچ کھلاڑیوں نے آسٹریلیا میں سیاسی پناہ کی درخواست دی تھی۔

بدھ کے روز ٹیم کی آسٹریلیا سے ایران واپسی کے لیے روانگی سے کچھ دیر قبل ایک اور خاتون کھلاڑی اور سپورٹ سٹاف کی ایک رکن نے بھی ان کی پیروی کی تھی تاہم ان خواتین میں سے ایک نے آخری لمحات میں اپنا ارادہ بدل لیا تھا۔

کھلاڑیوں کا یہ سفر کئی دنوں تک بین الاقوامی توجہ کا مرکز رہا ہے اور آسٹریلیا میں کھیلے گئے ایشیا کپ کے دوران ایک خاموش احتجاج کی وجہ سے ٹیم کو اپنے ملک میں تنقید کا سامنا کرنا پڑا تھا۔

گروپ کے پہلے میچ کے دوران قومی ترانہ بجنے کے وقت کھلاڑی خاموش رہی تھیں اور ایران میں اس عمل کی تشریح تہران کی قیادت کے خلاف ایک اشارے کے طور پر کی گئی تھی۔