ایرانی پارلیمنٹ کے سپیکر محمد باقر قالیباف نے امریکی صدر ڈونلڈ ٹرمپ کو انتباہ کیا ہے کہ اگر ٹرمپ اور امریکہ کی وحشیانہ کارروائیاں جاری رہیں توپورا مشرق وسطیٰ جنگ کے شعلوں کی نذر ہو جائے گا۔
قالیباف کی طرف سے ٹرمپ کو یہ انتباہی جواب ٹرمپ کے 'ٹروتھ سوشل 'پر غلیظ دھمکی بھرے بیان کے بعد دیا گیا ہے۔ صدر ٹرمپ نے اسی بیان میں ایران پر قیامت ڈھا دینے اور ایران کو جہنم میں دھکیل دینے کی دھمکی دی ہے۔ قالیباف نے کہا چونکہ آپ نیتن یاہو کے احکامات پر عمل کر رہے ہیں۔ سپیکر نے انتباہ سوشل میڈیا پلیٹ فارم ' ایکس 'پر پوسٹ کی صورت میں جاری کیا ہے۔
انہوں نے کہا اس صورت حال سے بچنے کا ایک ہی راستہ ہے کہ ایران کے عوام کے حقوق کا احترام کیا جائے اور جاری خطرناک کھیل کا خاتمہ کیا جائے۔ اس سے قبل صدر ٹرمپ نے ایران کو دھمکی دی تھی کہ اگر ایران نے آبنائے ہرمز کو نہ کھولا تواس کے انفراسٹرکچر کو نشانہ بنایا جائے گا۔ امریکی دھمکی میں دی گئی مہلت منگل کی رات آٹھ بجے ختم ہو جائے گی۔
