سعودی وزیر دفاع کی اطالوی ہم منصب سے ملاقات ... عسکری شراکت داری کا جائزہ

سعودی عرب کے وزیر دفاع شہزادہ خالد بن سلمان نے اپنے اطالوی ہم منصب جوئیڈو کروسٹو سے ملاقات کی۔

ملاقات کے دوران سعودی اطالوی شراکت داری اور دونوں ممالک کے درمیان عسکری اور دفاعی شعبوں میں اسے مزید ترقی دینے کے طریقوں کا جائزہ لیا گیا۔

انہوں نے علاقائی اور بین الاقوامی صورت حال کی تازہ ترین پیش رفت، بالخصوص خطے کی صورت حال اور مشترکہ کوششوں میں ہم آہنگی پر بھی تبادلہ خیال کیا تاکہ اس کے امن و استحکام کو فروغ دیا جا سکے۔