سعودی وزیرِ خارجہ کا ایرانی ہم منصب سے فون پر رابطہ

سعودی عرب کے وزیرِ خارجہ شہزادہ فیصل بن فرحان نے بدھ کو اپنے ایرانی ہم منصب عباس عراقچی سے فون پر بات کی۔

سعودی وزارتِ خارجہ نے ایک بیان میں کہا، "کال کے دوران انہوں نے تازہ ترین علاقائی پیش رفت اور خطے میں سلامتی و استحکام برقرار رکھنے کے لیے ہونے والی کوششوں پر تبادلۂ خیال کیا۔"

سعودی مملکت نے کئی مواقع پر علاقائی مسئلے کو سفارت کاری کے ذریعے حل کرنے پر زور دیا اور پاکستان کی حمایت کا اظہار کیا ہے جو امریکہ اور ایران کے درمیان ثالثی کر رہا ہے۔

وزیرِ اعظم شہباز شریف نے بدھ کے روز کہا ہے کہ امریکی صدر ڈونلڈ ٹرمپ کا آبنائے ہرمز میں "پروجیکٹ فریڈم" کو روک دینے کا جواب پاکستان اور دیگر ممالک بالخصوص سعودی عرب کی درخواست کے بعد آیا ہے۔

امریکہ-ایران جنگ بندی آٹھ اپریل کو نافذ ہوئی لیکن انتہائی غیر مستحکم ہے۔