سعودی اور ایرانی وزرائے خارجہ کا پاکستانی ثالثی سے متعلق تازہ ترین پیش رفت پر تبادلہ خیال

سعودی عرب کے وزیر خارجہ شہزادہ فیصل بن فرحان کو آج ایران کے وزیر خارجہ عباس عراقچی کی جانب سے فون کال موصول ہوئی۔

اس رابطے میں پاکستانی ثالثی سے متعلق تازہ ترین پیش رفت، ایران اور امریکہ کے درمیان جاری سفارتی بات چیت اور ان کے بارے میں تبادلہ خیال کیا گیا۔ یہ پانچ روز کے اندر دونوں وزراء کے درمیان ہونے والا دوسرا رابطہ ہے۔

چند روز قبل سعودی عرب کے وزیر خارجہ نے ایران کے وزیر خارجہ عباس عراقچی سے رابطہ کیا تھا جس میں علاقائی صورت حال کی تازہ ترین پیش رفت اور خطے کی سکیورٹی اور استحکام کو برقرار رکھنے کے لیے کی جانے والی کوششوں پر تبادلہ خیال ہوا تھا۔

دوسری جانب ایرانی وزارت خارجہ نے بتایا کہ وزیر خارجہ عباس عراقچی نے سفارتی پیش رفت پر تبادلہ خیال کے لیے سعودی عرب کے وزیر خارجہ شہزادہ فیصل بن فرحان سے رابطہ کیا۔

انہوں نے تازہ ترین علاقائی صورت حال کا بھی جائزہ لیا اور خطے کی سکیورٹی اور استحکام کو برقرار رکھنے کے لیے کی جانے والی کوششوں پر تبادلہ خیال کیا، جس سے موجودہ چیلنجوں کے سائے میں علاقائی امن کے فروغ اور توازن کے حصول میں مدد ملے۔