وقت مطالعہ
گھنٹہ
بحرینی وزارتِ داخلہ نے سکیورٹی صورتحال کے پیشِ نظر اپنے شہریوں کے ایران اور عراق سفر پر اگلے حکم تک پابندی عائد کر دی ہے۔
وزارتِ داخلہ کی جانب سے جاری بیان میں کہا گیا ہے کہ وطن کے امن اور تمام شہریوں کی سلامتی کے تحفظ کے پیشِ نظر یہ فیصلہ کیا گیا ہے کہ بحرینی شہریوں کا اسلامی جمہوریہ ایران اور جمہوریہ عراق کا سفر اگلے نوٹس تک ممنوع ہوگا۔
بحرینی حکام نے اس فیصلے کی وجہ موجودہ سکیورٹی کشیدگی اور ان حالات کو قرار دیا ہے ،جنہیں بیان میں ایرانی جارحیت سے تعبیر کیا گیا۔
وزارتِ داخلہ نے خبردار کیا ہے کہ اس فیصلے کی خلاف ورزی کرنے والوں کے خلاف قانون کے مطابق ضروری کارروائی کی جائے گی۔
