ایران کا مفاہمت کی یا داشت کی کسی بھی امریکی خلاف ورزی پر جواب دینے کا عزم

ایران نے مشرق وسطیٰ میں جنگ کے خاتمے کے لیے دستخط شدہ مفاہمت کی یاد داشت کی کسی بھی خلاف ورزی کا جواب دینے کا عزم ظاہر کیا ہے۔

دونوں فریقوں نے ہفتے کے آخر میں ایک دوسرے پر حملے کیے تھے۔

ایران کی وزارت خارجہ کے ترجمان اسماعیل بقائی نے آج منگل کے روز پریس کانفرنس میں کہا کہ کوئی بھی قدم بغیر جواب کے نہیں رہے گا، جیسا کہ ایران کی طاقتور مسلح افواج نے دکھایا ہے، اسلامی جمہوریہ ایران پر ہر حملے کا فوری جواب دیا جائے گا۔

انھوں نے مزید کہا کہ اس طرح کے اقدامات مفاہمت کی یاد داشت کی پہلی شق کی خلاف ورزی ہوں گے، فطری طور پر اگر یہ خلاف ورزیاں دہرائی گئیں اور جاری رہیں تو اس راستے کو جاری رکھنے میں مشکلات کا سامنا کرنا پڑے گا۔

مفاہمت کی یاد داشت کو ایران اور امریکہ کے درمیان پہلی عسکری مڈ بھیڑ کا سامنا کرنا پڑا ہے، جن کے درمیان 17 جون کو مفاہمت کی یاد داشت پر دستخط ہونے کے بعد پہلی بار حملوں کا تبادلہ ہوا ہے۔

ایران کا کہنا ہے کہ اس نے خلیج میں امریکی ٹھکانوں پر حملہ کیا جو کہ اس کی سرزمین کو نشانہ بنانے والے امریکی حملوں کا رد عمل تھا، جیسا کہ ایرانی سرکاری میڈیا نے ہفتے کے روز بتایا تھا۔ یہ سب اس وقت ہوا جب واشنگٹن نے تہران پر آبنائے ہرمز میں اپنے ایک تجارتی جہاز پر حملہ کرنے کا الزام لگایا۔