سعودی عرب کے ساتھ بہترین تعلقات کے خواہاں ہیں: عراقی صدر

عراقی صدر نزار آمیدی نے "العربیہ" کے ساتھ ایک خصوصی گفتگو میں تصدیق کی کہ ان کا ملک تمام شعبوں میں سعودی عرب کے ساتھ بہترین سٹریٹجک تعلقات استوار کرنے کا خواہاں ہے۔

عراقی صدر نے اپنے انٹرویو میں مزید کہا کہ مملکت خطے میں ایک بڑا کردار ادا کر رہی ہے۔ سعودی عرب ایک پڑوسی ملک ہے اور وہ ایک فعال اقتصادی کردار ادا کر رہا ہے۔

اسی تناظر میں عراقی صدر نزار آمیدی نے تصدیق کی کہ عراقی حکام بدعنوانی کے خلاف مہم کے بعد مسلح گروہوں کے اسلحے اور ترکیہ کے ساتھ سکیورٹی معاملے کی طرف توجہ مبذول کریں گے۔

نزار آمیدی نے ’’ العربیہ‘‘ کے ساتھ انٹرویو میں اس بات پر زور دیا کہ اسلحہ صرف ریاست کے ہاتھ میں رکھنے کے فیصلے سے کوئی پیچھے ہٹنا نہیں ہوگا انہوں نے یقین دہانی کرائی کہ اسلحے کو قابو میں لانا حکومت کا منتظر سب سے اہم معاملہ ہے۔