اسرائیل: ضرورت ہوئی تو ایران پر تیسری بار حملہ کرنے کو تیار ہیں

اسرائیل کے وزیرِ دفاع اسرائیل کاٹز نے جمعرات کو کہا کہ اگر ضرورت ہوئی تو ان کا ملک ایران کے خلاف اپنی فوجی مہم دوبارہ شروع کرنے کے لیے تیار ہے اور "پہلے سے زیادہ طاقت سے" حملہ کرنے کے عزم کا اظہار کیا۔

تازہ ترین تبصرے امریکہ اور ایران کے درمیان نئی لڑائی شروع ہو جانے کے بعد سامنے آئے ہیں جس سے مکمل جنگ کی طرف واپسی کے خدشات میں اضافہ ہوا ہے۔
کاٹز نے ایک فوجی تقریب میں کہا، "دوبارہ فضائی برتری حاصل کرنے اور ایران میں دوبارہ ضرب لگانے کی غرض سے فوج دوبارہ جنگ شروع کرنے کے لیے تیار اور چوکس ہے تاکہ خطرات کو ختم کیا جائے، اگر ضرورت ہوئی تو تیسری بار،" کاٹز نے ایک فوجی تقریب میں کہا۔

انہوں نے مزید کہا، "اگر ہمیں واپس جانا ہے تو ہم اس سے بھی زیادہ طاقت کے ساتھ واپس جائیں گے۔"

تقریب سے خطاب کرتے ہوئے وزیرِ اعظم بنجمن نیتن یاہو نے کہا، اسرائیل کی جانب سے ایران کے خلاف دو سابقہ فوجی مہمات نے اسے کمزور کیا ہے۔

لیکن انہوں نے یہ بھی تسلیم کیا کہ تنازعہ ابھی ختم نہیں ہوا۔

انہوں نے کہا، ایران کا محورِ مزاحمت پہلے سے زیادہ کمزور جبکہ اسرائیل پہلے سے زیادہ مضبوط ہے۔ ہم نے ثابت کر دیا کہ اسرائیلی فضائیہ کا طویل بازو یمن سے لے کر ایران تک کہیں بھی پہنچ سکتا ہے۔ البتہ ہمیں یہ بھی تسلیم کرنا چاہیے کہ مہم ابھی ختم نہیں ہوئی ہے۔"

امریکہ اور اسرائیل نے ایران کے خلاف 28 فروری کو فضائی مہم شروع کی جس میں اسلامی جمہوریہ کے سپریم لیڈر اور دیگر اعلیٰ حکام ہلاک ہو گئے تھے۔ جون 2025 میں 12 روزہ جنگ کے بعد یہ اسرائیل کی ایران کے خلاف دوسری مہم تھی۔