آبنائے ہرمز میں بحری عملے کی ہلاکت پر بھارت کا ایران سے احتجاج

بھارتی وزارتِ خارجہ نے منگل کے روز کہا ہے کہ اس نے آبنائے ہرمز میں بھارتی بحری عملے کے ایک رکن کی ہلاکت پر ایران کے نائب سفیر کو طلب کرنے کے بعد ان سے سخت احتجاج درج کروایا ہے۔

وزارت نے کہا کہ بھارتی شہری بحری عملے کے 46 ارکان میں شامل تھا جن میں 30 بھارتی تھے۔ یہ دو جہازوں ایم ٹی الباہیہ اور ایم ٹی ممباسا پر سوار تھے۔ ان پر جہازرانی کے راستے سے گذرتے وقت حملہ کیا گیا۔

ایک بیان میں کہا گیا کہ بھارتی بحری عملے کے دس دیگر ارکان زخمی ہوئے جن میں سے دو کے شدید زخمی ہونے کی اطلاع تھی۔

نیز کہا گیا، بھارت ان حملوں پر "شدید فکرمند" ہے اور خطے میں تجارتی جہازرانی اور شہری انفراسٹرکچر کو نشانہ بنانا "بند کیا جائے۔"

امریکی صدر ڈونلڈ ٹرمپ نے رواں ماہ آبنائے ہرمز میں جہازرانی پر عائد ایرانی پابندی بحال کر دی اور اس کی حفاظت کے لیے 20 فیصد فیس وصول کرنے کی تجویز دی۔

تہران نے کہا ہے کہ آبی گذرگاہ کے مستقبل کے تعین میں امریکہ کا کوئی کردار نہیں ہے۔

اتوار کو آبنائے میں کنٹینر جہاز جی ایف ایس گلیکسی پر حملے کے بعد ایک اور بھارتی شہری لاپتہ ہو گیا۔

ایران نے کہا کہ اس نے بحری جہاز کو اس وقت نشانہ بنایا جب اس نے انتباہ کے باوجود غیر مجاز راستے سے گذرنے کی کوشش کی۔