ایران میں موسمِ سرما کے احتجاج میں ملوث ہونے پر ایک شخص کو سزائے موت

ایرانی عدلیہ نے بدھ کے روز اعلان کیا کہ گذشتہ موسمِ سرما میں ملک گیر مظاہروں سے متعلق الزامات کے تحت ایک شخص کو پھانسی دے دی گئی۔

عدلیہ کی آن لائن نیوز ویب سائٹ میزان نے بتایا، "مظاہروں کے دوران ایک سرگرم دہشت گرد گروپ کے رکن مہدی خانکی کے خلاف سزائے موت سپریم کورٹ کی توثیق کے بعد عمل میں لائی گئی۔"

یاد رہے کہ دسمبر کے آخر میں ایران میں ضروریاتِ زندگی کی قیمتوں کے خلاف احتجاج تیزی سے پورے ملک میں پھیل گیا اور اس میں سیاسی مطالبات بھی شامل تھے۔

مظاہروں کے خلاف کریک ڈاؤن کیا گیا جس میں انسانی حقوق کی تنظیموں کے مطابق ہزاروں افراد ہلاک ہو گئے۔

میزان نے بدھ کے روز کہا کہ خانکی کو 10 فروری کو تہران کے مغرب میں کرج سے ہتھیاروں کے ایک بڑے ذخیرے کے ساتھ گرفتار کیا گیا تھا۔ نیز کہا کہ یہ اسلحہ جنوری کے مظاہروں میں میں فائرنگ کے لیے استعمال کیا گیا تھا۔

ویب سائٹ نے کہا کہ خانکی کو صیہونی اور امریکی حکومتوں کے حق میں کام کرنے کے جرم میں سزائے موت دی گئی اور اس کی تمام جائیداد ضبط کر لی گئی۔