ہائی کورٹ: اسلام آباد میں پی ٹی آئی جلسے اور دھرنے کی اجازت پر فیصلہ محفوظ

اسلام آباد کی ہائی کورٹ نے جلسے اور دھرنے کی اجازت نہ دینے کے خلاف پاکستان تحریک انصاف کی درخواست پر فریقین کے دلائل سننے کے بعد فیصلہ محفوظ کر لیا ہے۔

اسلام آباد ہائی کورٹ نے کارروائی کے دوران ریمارکس دئیے کہ تحریک انصاف کی احتجاجی سرگرمیوں کے لئے کسی کو امن عامہ کی ذمہ داری لینا ہوگی۔

حکومتی وکیل ایڈووکیٹ جنرل نے عدالت کو بتایا کہ 25 مئی کو بھی تحریک انصاف نے یقین دہانی کروائی تھی مگر اس ہی دن ان کی ریلی سے جانی اور مالی نقصان ہوا۔ ہم ان پر اعتماد نہیں کر سکتے ہیں۔

تحریک انصاف کے وکیل بابر اعوان نے بتایا کہ یہ پٹیشن علی اعوان کی ہے وہی امن عامہ کے ذمہ دار ہیں۔

عدالت نے فریقین کے دلائل مکمل ہونے کے بعد فیصلہ محفوظ کر لیا ہے جو کہ بعد میں سنایا جائے گا۔