آئی ایم ایف معاہدے کی منظوری کے ثمرات، روپیہ ڈالر کے مقابلے میں مضبوط

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

بین الاقوامی مالیاتی فنڈ [آئی ایم ایف] کے ایگزیکٹو بورڈ کی جانب سے پاکستان کے ساتھ معاہدے کی منظوری کے بعد روپےکی قدر میں غیر معمولی اضافہ دیکھا گیا ہے۔

گذشتہ تین روز سے روپیہ روز بروز مضبوط ہوتا جارہا تھا، جس کے بعد آج بروز جمعرات انٹربینک مارکیٹ میں ڈالر کی قیمت 5 روپے 47 پیسے کم ہو گئی، جس سے ڈالر 272 روپے کی سطح پر آ گیا۔

اس کے بعد انٹربینک مارکیٹ میں اتار چڑھاؤ کا رجحان شروع ہوا اوراس وقت ڈالر کی قیمت 275 روپے 07 پیسے پر آ گئی ہے۔

دوسری جانب پاکستان اسٹاک ایکسچینج پر بھی آئی ایم ایف اسٹینڈ بائی معاہدے کی منظوری کے مثبت اثرات مرتب ہوئے ہیں اور جمعرات کے روز 100 انڈیکس 116 پوائنٹس بڑھ کر 45631 کی سطح پر آ گیا۔

سعودی عرب کی جانب سے پاکستان کو 2 ارب ڈالر اور گذشتہ روز متحدہ عرب امارات کی جانب سے ایک ارب ڈالر کی اسٹیٹ بینک کو منتقلی کے بعد روپے کی قدر میں مسلسل اضافہ ہو رہا ہے جب کہ گذشتہ شب آئی ایم ایف ایگزیکٹو بورڈ نے بھی پاکستان کے لیے تین ارب ڈالر کے اسٹینڈ بائی معاہدے کی منظوری دے دی ہے۔

مقبول خبریں اہم خبریں

مقبول خبریں