مسلم ورلڈ لیگ کے سربراہ شیخ محمد بن عبدالکریم العیسیٰ اور پاکستان کی قومی اسمبلی کے سپیکر سردار ایاز صادق کے درمیان ایک اہم ملاقات ہوئی ہے۔ اس سے قبل سیکر سردار ایاز صادق کا مسلم ورلڈ لیگ کے ہیڈ کوارٹرز میں خیر مقدم کیا گیا۔
ملاقات کے دوران دونوں عہدے داروں نے دو طرفہ دلچسپی کے امور پر تبادلہ خیال کیا۔ سپیکر ایاز صادق نے مسلم ورلڈ لیگ کی طرف سے اسلامی دنیا کے علاوہ بین الاقوامی سطح پر کی جانے والی کوششوں کی تعریف کی ہے۔
ملاقات میں امہ کو درپیش بڑے بڑے چیلنجوں کو ایڈریس کرتے ہوئے بچیوں کی تعلیم ، مسلم اقلیتوں کے حقوق ، مسلمانوں کے باہمی اتحاد، اسلامو فوبیا کے کور میں مسلمانوں کی دشمنی پر مبنی واقعات کی روک تھام کے لیے کوششوں اور متعلق فورمز پر بات کرنے پر تبادلہ خیال کیا گیا۔
پاکستان کی قومی اسمبلی کے سپیکر نے اپنے اس دورے کے دوران ریاض کے گورنر شہزادہ فیصل بن بندر کے علاوہ گورنر مدینہ سلمان بن سلطان شوریٰ کونسل کے سپیکر شیخ عبداللہ الشیخ اور مفتی اعظم شیخ عبدالعزیز الشیخ سے بھی الگ الگ ملاقات کی ہے۔
