وقت مطالعہ
گھنٹہ
پاکستان کی وفاقی وزارت خزانہ نے اگلے 15 روز کے لیے پیٹرولیم مصنوعات کی نئی قیمتوں کا اعلان کر دیا۔
نوٹیفیکیشن کے مطابق پیٹرول کی قیمت میں کوئی تبدیلی نہیں کی گئی جبکہ ہائی سپیڈ ڈیزل کی قیمت میں دو روپے کمی کا اعلان کیا گیا ہے۔
ہائی اسپیڈ ڈیزل کی قیمت کمی کے بعد 256.64 روپے سے کم کر کے 254.64 روپے فی لیٹر کر دی گئی ہے۔
اس کے علاوہ نوٹیفیکیشن میں مٹی کے تیل کی قیمتوں میں پانچ روپے چار پیسے جبکہ لائٹ ڈیزل آئل کی قیمت میں چار روپے 68 پیسے فی لیٹر کمی کی گئی ہے۔
جس کے نتیجے میں مٹی کے تیل کی قیمت 169.69روپے سے کم کر کے 164.65روپے جبکہ لائٹ ڈیزل آئل کی قیمت میں 155.33 روپے سے کم کر کے 150.65روپے فی لیٹر کر دی گئی ہے۔
