نہر سویز سے متعلق اتھارٹی سربراہ نے اعلان کیا ہے کہ پچھلے مالی سال کے دوران نہر سویز نے سات ارب امریکی ڈالر کا ریونیو اکٹھا کیا ہے۔ جوکہ گذشتہ سے پیوستہ مالی سال 2020/ 2021 کے مقابلے میں بیس اعشاریہ سات فیصد زیادہ ہے۔
مصر میں مالی سال یکم جولائی سے تیس جون پر محیط ہوتا ہے۔ نہر سویز جو کہ آبی تجارتی راستے کے طور پر ایک تیز ترین ذریعہ مانی جاتی ہے۔ مصر کے لیے 30 جون کو اختتام پذیر ہونے و الے سال کے دوران ماضی کے مقابلے میں زیادہ زر مبادلہ کا ذریعہ بھی ثابت ہوئی ہے۔
نہر سویز اتھارٹی کے چئیرمین اسامہ ربیع نے پیر کے روز مالی سال کی آمدنی کا جائزہ پیش کرتے ہوئے کہا ہے کہ نہر سویز کے ذریعے آمدنی میں بیس اعشاریہ سات فیصد اضافہ ہوا ہے۔ واضح رہے نہر سویز یورپ اور ایشیا کے درمیان بحری تجارت اور سامان کی ترسیل کا تیز رفتار ترین آبی راستہ ہے۔۔ اس لیے مصری حکومت کی آمدنی کا ایک اہم ذریعہ ہے۔
