محمد علی کلے کی نادر تصاویر سوشل میڈیا کی زنیت

لینجڈ باکسر محمد علی کلے کے انتقال پرملال کی خبر نشر ہوتے ہی سوشل میڈیا پر ان کی رحلت پر انتہائی مغموم تبصروں کا سلسلہ ان کی متعدد نادر تصاویر کے ساتھ جاری ہے۔

سماجی رابطوں کی ویب سائٹس پر ان کے پرستاروں کی جانب سے شیئر کی جانی والی تصاویر میں ایک نادر تصویر محمد علی کلے کی جانب سے حجر اسود کو بوسہ دیتے وقت کی ہے۔ یہ تصویر 1972 میں مرحوم باکسر کے فریضہ حج کے موقع پر لی گئی تھی۔

محمد علی کلے جمعہ کی شام رعشہ کے دیرینہ مرض کے باعث ایرزونا ریاست کے شہر وینکس کے ایک ہستپال میں انتقال کر گئے تھے۔ اس امر کا اعلان تین بار باکسنگ کا عالمی کپ جیتنے والے منفرد کھلاڑی اور ایتھلیٹ کے خاندانی ترجمان بوب غونل نے ایک بیان میں کیا تھا۔ ترجمان کے مطابق مرحوم کی آخری رسومات اور تدفین ان کی جائے پیدائش کنٹکی ریاست کے شہرلویسویل میں ادا کی جائیں گی جہاں انہوں نے 74 برس قبل آنکھ کھولی۔