صرف دبئی میں: دنیا کے مہنگے ترین جُوتے17 ملین ڈالر میں خریدیئے
امراء کے ہاں مہنگے برانڈز کے جوتوں کی خریداری کی خبریں آتی رہتی ہیں مگر دبئی میں ایک مقامی کاروباری مرکز میں ایسے جوتے بھی تیار کیے گئے ہیں جو اپنی بیش قیمت کےاعتبار سے اب تک کے دنیا کے سب سے مہنگے جوتے قرار دیے جا رہے ہیں۔
العربیہ ڈاٹ نیٹ کے مطابق دبئی کے ایک شاپنگ مال میں رکھے مہنگے ترین جوتے شیشے کے ایک باکس میں سجائے گئے ہیں۔
العرب ٹاور کے ہوٹل کی بالائی منزل پر موجود ان جوتوں کی تیاری میں سنہری جلد، سفید سونا اور 100 قیراط کے ہیرے جوڑے گئے ہیں۔
’بیشن جیولرز‘ کے چیف ایگزیکٹو ھیمانی کاراٹچانڈنی کا کہنا ہے کہ یہاں آنے والے گاہکوں کو ہم یہ مہنگے جوتے بھی دکھاتے ہیں۔
ان کا کہنا تھا کہ مستقبل میں ہم طلب پر اس طرح کے جوتے ڈیزائن کرنے کا ارادہ رکھتے ہیں۔ ان میں صرف ہیرے ہی نہیں بلکہ یاقوت بھی جوڑے گئے ہیں۔
یہ جوتے کاراچانڈانی کمپنی کی شریک 26 سالہ ماریا ماگاری کی اختراع ہے۔ وہ برطانیہ اور رومانیہ کی شہریت رکھتی ہیں اور لندن اور دبئی سے فیشن ڈیزائننگ میں گریجویٹ ہیں۔ فی الحال ان گراں قیمت جوتوں کا کوئی خریدار سامنے نہیں آیا۔
