ملائیشیا میں چھوٹے طیارے کے حادثے کی واضح زاویہ سے ویڈیو آگئی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

جمعرات کو ملائیشیا میں ایک چھوٹا طیارہ سڑک پر گر کر تباہ ہوگیا۔ حادثہ میں 10 افراد جاں بحق ہوگئے۔ طیارہ کے گرنے کی ایک واضح زاویہ سے ویڈیو سامنے آگئی ہے۔ ویڈیو فوٹیج، بظاہر کار کے کیمرے سے لی گئی ہے۔ ویڈیو میں اس لمحے کو ریکارڈ کیا گیا جب جہاز ہائی وے پر گرا۔ ملائیشیا کی پولیس نے اعلان کیا کہ چھوٹا مسافر طیارہ وسطی ملائیشیا کی ریاست سیلنگور میں ایک سڑک پر گر کر تباہ ہو گیا جس میں سڑک پر دو افراد اور طیارے کے مسافر تمام آٹھ افراد ہلاک ہو گئے۔

مقامی پولیس سربراہ محمد اقبال ابراہیم نے اے ایف پی کو بتایا کہ فی الحال میں کہہ سکتا ہوں کہ طیارے کے حادثے میں کم از کم 10 افراد ہلاک ہوئے تھے۔ انہوں نے کہا سڑک پر دو افراد میں سے ایک کار میں اور دوسرا موٹرسائیکل پر سوار تھا۔

ملائیشیا کی سول ایوی ایشن اتھارٹی نے بتایا کہ طیارہ میں عملہ کے دو افراد اور 6 مسافر سوار تھے۔ پولیس کے مطابق ہلاک ہونے والے مسافروں میں سے ایک پہانگ ریاستی پارلیمنٹ کا رکن ہے جو ہاؤسنگ اور ماحولیاتی امور کا انچارج ہے۔ یہ حادثہ ریاست سیلنگور کے دارالحکومت شاہ عالم کے مضافات میں واقع شہر ایلمینا کے قریب پیش آیا۔

ملائیشیا میں طیارہ گرنے کے مقام سے دھواں اٹھ رہا ہے
ملائیشیا میں طیارہ گرنے کے مقام سے دھواں اٹھ رہا ہے

سول ایوی ایشن اتھارٹی کے سربراہ نور زمان محمود کے مطابق طیارہ ملک کے شمال میں واقع جزیرہ لانگاوی سے دارالحکومت کوالالمپور کے مغرب میں واقع سلطان عبدالعزیز شاہ ایئرپورٹ کی طرف جاتے ہوئے حادثہ کا شکار ہوا۔

نور زمان محمود نے بتایا کہ طیارے کی طرف تکلیف دہ صورتحال سے متعلق کوئی کال نہیں کی گئی۔ واقعہ کی تحقیقات شروع کردی گئی ہیں۔ وزیر ٹرانسپورٹ انتھونی لوکی نے اعلان کیا کہ طیارے نے لینڈنگ کی اجازت حاصل کر لی تھی لیکن وہ رن وے کے دائیں طرف مڑ گیا۔

مقبول خبریں اہم خبریں

مقبول خبریں