.

شام میں یرغمال دو برطانوی صحافی رہا

دونوں صحافی زخمی حالت میں ترکی پہنچ گئے

پہلی اشاعت: آخری اپ ڈیٹ:

شام میں خانہ جنگی کی کوریج کرتے ہوئے اغوا ہونے والے دو برطانوی صحافی رہائی پانے کے بعد ترکی پہنچ گئے ہیں۔ لندن ٹائمز سے وابستہ اینتھنی لائڈ اغوا کاروں کی حراست کے دوران دو مرتبہ زخمی ہوئے تھے اور ان کے ساتھی فوٹو گرافر جیک ہل کو فرار کی ناکام کوشش کے بعد اغوا کاروں نے تشدد کا نشانہ بنایا تھا۔

اب ان دونوں کو شامی باغیوں کے ایک کمانڈر کے حکم پر رہائی مل گئی ہے۔ اس کے بعد دونوں برطانوی صحافی بدھ کے روز شام کی سرحد عبور کر کے ترکی پہنچ گئے ہیں۔ معلوم ہوا ہے کہ ترکی پہنچے سے پہلے انھیں شام کے ایک ہسپتال میں کچھ دیر طبی معائنے کے لیے لے جایا گیا تھا۔

دونوں صحافی کئی روز تک شام کے شمالی شہر حلب سے اپنے اخبار کے لیے رپورٹنگ کرتے رہے تھے۔ بعد ازاں انہیں ترکی کی طرف آتے ہوئے اغوا کر لیا گیا۔ تاہم انھیں اسلامک فرنٹ کے کمانڈر نے زخمی ہونے کی بنا پر رہائی میں مدد دی ہے۔