بھارت میں ہوٹل ملازم نے لیمبورگنی دیوار سے ٹکرا دی

ہوٹل میں مقیم مہمان قیمتی گاڑی دوست سے مستعار لیکر آیا تھا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

بھارتی دارالحکومت نئی دہلی کے ایک پنج ستارہ ہوٹل کے ملازم نے ایک انتہائی مہنگی سپورٹس کار لیمبورگنی گلارڈو کو پارکنگ کی کوشش کے دوران دیوار سے ٹکرا دیا جس کے نتیجے میں بیش قیمت گاڑی کو بری طرح نقصان پہنچا۔

تفصیلات کے مطابق نئی دہلی کے لی میریڈین ہوٹل کے سامنے ہونے والے اس 'حادثے' میں گاڑی کا اگلا حصہ بری طرح متاثر ہوا ہے۔ گاڑی کے ڈرائیور نپون مگلانی نے بھارتی اخبار کو بتایا کہ یہ گاڑی اس سے پہلے بھی کئی بار ہوٹل کے ملازمین نے پارک کی ہے۔ مگلانی نے اپنی بے بسی کا اظہار کرتے ہوئے بتایا کہ انہوں نے یہ گاڑی اپنے دوست سے ادھار لی ہوئی تھی اور وہ پچھلے جعمرات سے اس ہوٹل میں ٹھہرے ہوئے ہیں۔

ڈرائیور نپون کا مزید کہنا تھا کہ انہوں نے ہوٹل اور اس کے ملازم ارون کمار کے خلاف پولیس کیس درج کروا دیا ہے مگر انتظامیہ اس حادثے کی ذمہ داری قبول کرنے سے انکار کر رہی ہے۔ نپون کا دعویٰ ہے کہ گاڑی کی مرمت پر ایک اندازے کے مطابق دو کروڑ روپے [335٫000 ڈالر] خرچ آئے گا۔

حادثے کی سی سی ٹی وی فوٹیج میں دیکھا جا سکتا ہے کہ ہوٹل ملازم گاڑی کو پارکنگ سے نکال کر ہوٹل کے پورچ پر لے کر آتا ہے اور اس کے بعد تھوڑی دیر کے لئے گاڑی سے باہر نکلتا ہے۔ اس کے بعد گاڑی میں واپس آنے کے بعد وہ غیر ارادی طور پر انتہائی تیزی سے گاڑی آگے بڑھاتا ہے جس کے نتیجے میں اس کے ایک ساتھی کو اپنی جان بچانے کے لئے ایک طرف چھلانگ لگانی پڑتی ہے، جس کے بعد گاڑی دیوار سے جار ٹکراتی ہے جس کےباعث ایک ہوٹل ملازم بھی زخمی ہو گیا۔

اطالوی کمپنی لیمبورگنی کی تیارکردہ گلارڈو کار کو لڑاکا بیل کے نام سے منسوب کیا گیا۔ پچھلے پہیوں کی طاوت سے چلنے والی اس کار میں 550 ہارس پاور کا انتہائی طاقتور انجن نصب ہے۔ یورپ میں اس گاڑی کی قیمت 250٫000 ڈالر ہے مگر بھارت میں سپورٹس کار پر برآمدی ڈیوٹی کی وجہ سے اس کی قیمت تقریبا دو گنا ہو جاتی ہے۔

مقبول خبریں اہم خبریں

مقبول خبریں