شہزادہ محمد بن نایف سعودی عرب کے ولی عہد دوم مقرر

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے وزیر داخلہ شہزادہ محمد بن نایف کو ایک شاہی فرمان کے ذریعے ولی عہد دوم مقرر کردیا گیا ہے۔

شہزادہ محمد بن نایف سعودی عرب کے نئے فرمانروا شاہ سلمان بن عبدالعزیز اور مرحوم شاہ عبداللہ بن عبدالعزیز کے بھتیجے ہیں۔

جمعہ کی صبح شاہ عبداللہ کے انتقال کے بعد جاری کردہ ایک شاہی فرمان میں کہا گیا ہے کہ شہزادہ محمد بن نایف ولی عہد دوم ہوں گے اور نئے ولی عہد شہزادہ مقرن بن عبدالعزیز کے بعد ان کا نمبر ہے اور وہ ان کے نائب ہوں گے۔

ایک سرکاری بیان کے مطابق سعودی شہری جمعہ کی شام شاہ سلمان اور ولی عہد شہزادہ مقرن کی بیعت کرنے والے ہیں۔شاہ سلمان نے شاہ عبداللہ کے انتقال پر ایک نشری تقریر میں کہا ہے کہ ''ہم کامیابی کے اس راستے پراپنا سفر جاری رکھیں گے جس پر سعودی عرب شاہ عبدالعزیز کے زمانے سے چلتا آرہا ہے''۔

مقبول خبریں اہم خبریں

مقبول خبریں