یمنی صدر عرب لیگ سمٹ میں شرکت کے لئے مصر پہنچ گئے

یمنی صدر عبد ربو منصور ہادی 26ویں عرب لیگ سمٹ میں شرکت کے لئے مصر پہنچ گئے ہیں۔ عرب لیگ کے اس اجلاس میں یمن میں جاری بحران کو کلیدی اہمیت حاصل ہوگی۔

مصری سرکاری ٹی وی نے ہادی کی آ٘مد کا منظر نشر کیا ہے جس میں مصری صدر عبدالفتاح السیسی کو ان کا استقبال کرتے دیکھا جاسکتا ہے۔

یہ اجلاس سعودی عرب کی سربراہی میں یمنی باغیوں کی سرکوبی کے لئے شروع کئے جانے والے آُپریشن فیصلہ کن طوفان کے چند ہی دنوں بعد منعقد ہورہا ہے۔ دو دن پر مشتمل یہ اجلاس ہفتے کے روز شروع ہوگا اور یہ مصر کے صحت افزاء مقام شرم الشیخ میں منعقد کیا جارہا ہے۔

متعدد سربراہان مملکت جن میں کویتی امیر شیخ صباح الاحمد الصباح، فلسطینی صدر محمود عباس، سومالی صدر حسن شیخ محمد اور سوڈانی صدر عمر البشیر شامل ہیں، پہلے سے ہی تشریق لاچکے ہیں جبکہ کئی دیگر آج پہنچیں گے۔

اس سمٹ میں انتہاپسند جنگجوئوں کے مقابلے کے ایک متحدہ عرب فوجی طاقت بنانے کا بھی اعلان متوقع ہے جس کے ڈرافٹ پر عرب وزرائے خارجہ پہلے ہی دستخط کرچکے ہیں۔

لیبیا میں جاری بحران اور دولت اسلامیہ عراق وشام بھی اس سال کے ایجنڈا میں شامل ہوں گے۔