یمن: المکلا کے ہوائی اڈے پر القاعدہ کا قبضہ، فوج فرار

پہلی اشاعت: آخری اپ ڈیٹ:
مطالعہ موڈ چلائیں
100% Font Size

شدت پسند تنظیم القاعدہ کے جزیرۃ العرب میں سرگرم گروپ نے یمن میں لڑائی کے دوران مشرقی گورنری خضرموت میں المکلا شہر کے ہوائی اڈے پر قبضہ کرلیا ہے۔

یمنی سیکیورٹی فورسز کےایک سینیر عہدیدار نے غیرملکی خبر رساں ادارے "اے ایف پی" کو بتایا کہ ہوائی اڈے پر تعینات فوجی یونٹ بغیر کسی مزاحمت کے وہاں سے فرار ہوگئی ہے۔ جس کے بعد القاعدہ نے ہوائی اڈے کا کنٹرول سنبھال لیا ہے۔

خیال رہے کہ القاعدہ نے المکلا شہر میں 2 اپریل کو حملہ کیا تھا اور چوبیس گھنٹے جاری رہنے والی لڑائی کے دوران شہر کے بیشتر اہم مقامات پر قبضہ کرنے کے ساتھ ساتھ جیلوں میں بند اپنے 300 خطرناک قیدیوں کو بھی چھڑا لیا تھا۔

مقبول خبریں اہم خبریں