"جنوبی افریقا سوڈانی صدر کی گرفتاری میں مدد دے"

بین الاقوامی جرائم عدالت نے جنوبی افریقا اتھاریٹیز سے اپیل کی ہے کہ وہ آج بروز اتوار کو جوہانسبرگ میں ہونے والے افریقی یونین کے سربراہی اجلاس میں شرکت کی غرض سے آنے والے سوڈانی صدر عمر البشیر کو گرفتار کر لیں۔

جنوبی افریقا نے عالمی جرائم عدالت کو مضبوط بنانے میں نہایت اہم کردار ادا کیا ہے، عدالت کے چیف جسٹس نے کیپ ٹاؤن حکومت سے کہا ہے کہ ہم نے 2009ء سے عمر البشیر کے وارنٹ گرفتاری نکال رکھے ہیں، ان پر انسانیت سوز افعال اور جنگی جرائم کے ارتکاب کا الزام ہے، لہذا ان کی جنوبی افریقا آمد پر ہمیں اپنے ورانٹ کی تعمیل کرانے میں مدد کریں۔