یمن: حضرموت میں کار بم حملے میں 15 فوجی ہلاک

یمن کے صوبہ حضر موت میں واقع تاریخی شہر شبام میں فوجی بیرکوں پر جنگجوؤں کے بم حملے میں پندرہ فوجی ہلاک اور شہریوں سمیت متعدد زخمی ہوگئَے ہیں۔

اطلاعات کے مطابق جنگجوؤں نے شبام کے مغربی داخلی دروازے پر فوجیوں پر حملہ کیا ہے۔اس شہر کو ''صحرا کا مین ہٹن '' کہا جاتا ہے اور اس میں واقع تاریخی عمارت کو اقوام متحدہ کے تحت ادارے یونیسکو نے اپنے عالمی ورثے کا حصہ قرار دے رکھا ہے۔

مقامی حکام کے مطابق جنگجوؤں نے فوج کی ایک گشتی پارٹی کو پہلے سڑک کے کنارے نصب بم سے نشانہ بنایا تھا اور ایک خودکش بمبار نے اپنی بارود سے بھری کار کو رہائشی علاقے کے نزدیک واقع فوج کی چوکی پر دھماکے اڑا دیا ہے جس سے فوجی ہلاک اور متعدد افراد زخمی ہوئے ہیں۔فوری طور پر کسی گروپ نے اس حملے کی ذمے داری قبول نہیں کی۔