پاکستانی سرحد کے قریب بھارتی ایئر بیس پر حملہ

بھارتی پنجاب کے شہرپٹھان کوٹ کے ایئر بیس پر نامعلوم دہشت گردوں نےحملہ کردیا جس میں 4 حملہ آور اور دو فوجی ہلاک ہو گئے۔ سیکورٹی فورسز اور دہشت گردوں کےدرمیان فائرنگ کا سلسلہ جاری ہے۔ دہشت گرد فوجی وردی پہنے ہیں۔

بھارتی میڈیا کے مطابق ایئر بیس اور اطراف کا علاقہ سیل کر دیا گیا ہے، ہیلی کاپٹرز فضا میں اڑ رہے ہیں جبکہ فوج کے کمانڈو یونٹ کو بھی طلب کر لیا گیا ہے۔ دہشت گرد پولیس وین میں ایئر بیس میں داخل ہوئے، حملے میں 6 سے7 حملہ آور ملوث ہیں۔ دہشت گرد ایئر بیس کےقریب عمارت میں چُھپے ہوئے ہیں۔

حکام کا کہنا ہے کہ حملہ آور پولیس وین چھین کر فضائی اڈے میں داخل ہوئے، کچھ متضاد اطلاعات ہیں کہ دہش گردوں نےفوج کی گاڑی ہائی جیک کی۔ سرچ آپریشن جاری ہے۔