امریکی ریاست مشی گن میں فائرنگ، 6 افراد ہلاک

امریکی ذرائع ابلاغ کے مطابق ہفتہ اور اتوار کی شب ریاست مشی گن کے علاقے کالا مازو کاؤنٹی فائرنگ کے ایک واقعے میں چھے افراد ہلاک ہو گئے۔

ایک سرکاری اہلکار نے امریکی چینل 'فاکس نیوز' کو بتایا کہ چھ افراد کراکر باریل نامی ریستوران اور گاڑیوں کے ایک شو روم میں گولیاں لگنے سے ہلاک ہوئے۔

عہدیدار کا مزید کہنا تھا کہ فائرنگ کرنے والے مشتبہ شخص پچاس سالہ سفید فام شہری تھا اور وہ نیلے رنگ کی شیورلیٹ گاڑی میں فرار ہوا۔ وہ گاڑی سے اندھا دھند فائرنگ کر رہا تھا۔

سرکاری اہلکار کے مطابق تمام گولیاں ایک ہی شخص نے چلائیں۔ انہوں نے بتایا کہ ایسا لگتا ہے کہ گاڑی میں سوار ایک شخص نظر آنے والے ہر شخص پر گولیاں چلا رہا ہے اور انہیں قتل کر رہا ہے۔ میں کہنا چاہتا ہوں کہ وہ سفاک قاتل کا روپ دھارے ہوئے ہے۔