صادق خان امریکا داخلے کی پابندی سے مستثنیٰ ہیں: ٹرمپ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

امریکا کی ری پبلکن پارٹی کے صدارتی امیدوار ڈونلڈ ٹرمپ کا کہنا ہے کہ ان کے صدر منتخب ہونے کی صورت میں مسلمانوں کے امریکا میں داخلے پر عارضی پابندی کا لندن کے نو منتخب مسلمان میئر صادق خان پر اطلاق نہیں ہوگا اور انھیں استثنیٰ حاصل ہوگا۔

امریکی روزنامے 'دا نیویارک ٹائمز' سے بات کرتے ہوئے ری پبلکن پارٹی کے ممکنہ صدارتی امیدوار ڈونلڈ ٹرمپ کا کہنا تھا کہ "اس پابندی سے کئی لوگ مستثنیٰ ہوں گے۔"

ٹرمپ کا کہنا تھا کہ ''مجھے صادق خان کے منتخب ہونے پر خوشی ہوئی ہے۔آپ کو ہمیشہ عملی مثال بننا چاہیے۔ اگر وہ (صادق خان) بطور میئر اچھا کام کرتے ہیں تو یہ ایک بہت اچھی چیز ہوگی۔"

ڈونلڈ ٹرمپ نے پچھلے سال پیرس اور کیلی فورنیا میں دہشت گردی کے واقعات کے بعد مسلمانوں کے امریکا میں داخلے پر عارضی پابندی عاید کرنے کی تجویز پیش کی تھی۔ اس موقع پر مسلم اور انسانی حقوق کے گروپوں، ٹرمپ کے حریف امیدواروں اور ان کی اپنی ری پبلکن پارٹی نے ان کی اس تجویز کو تفرقہ پرور، نقصان دہ اور امریکی روایات کے برعکس قرار دیتے ہوئے شدید تنقید کا نشانہ بنایا تھا۔

لندن کے نومنتخب میئر صادق خان نے اپنے ایک حالیہ انٹرویو میں کہا ہے کہ '' ان کی حریف کنزرویٹو پارٹی نے خوف اور بے جا تنقید کا سہارا لیتے ہوئے مختلف نسلی اور مذہبی گروپوں کو ایک دوسرے کے خلاف کھڑا کرنے کی کوشش کی ہے اور یہ ڈونلڈ ٹرمپ کا ہتھکنڈا ہے۔"

مقبول خبریں اہم خبریں

مقبول خبریں