عرب اتحاد یمن میں شہریوں پر حملے کی تحقیقات کرے گا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کی قیادت میں اتحاد نے کہا ہے کہ وہ ان دعووں کی تحقیقات کرے گا جن میں کہا گیا ہے کہ اس کے لڑاکا طیاروں نے یمنی دارالحکومت صنعا میں شہریوں کے ایک اجتماع کو حملے میں ہدف بنایا ہے۔

عرب اتحاد نے جمعرات کو جاری کردہ ایک بیان میں کہا ہے کہ '' ہم ان میڈیا رپورٹس سے آگاہ ہیں جن میں حوثی ملیشیا کا یہ دعویٰ نقل کیا گیا ہے کہ صنعا کے نزدیک رات ایک فضائی حملے میں متعدد یمنی شہری مارے گئے ہیں۔

بیان کے مطابق ''اس علاقے میں حالیہ دنوں کے دوران میں یمن کی مسلح افواج اور باغیوں کے درمیان جھڑپیں ہوتی رہی ہیں۔ ان کے تعلق سے رپورٹس کی تحقیقات کی جارہی ہے۔اس سلسلے میں جب ہمیں مزید معلومات ملیں گی تو ہم انھیں عوام کے لیے جاری کر دیں گے''۔

ان میڈیا رپورٹس میں یہ الزام عاید کیا گیا ہے کہ سعودی اتحاد کے لڑاکا طیاروں نے بدھ کی رات یمنی دارالحکومت کے شمال میں ایک مکان کو فضائی حملے میں نشانہ بنایا تھا۔اس وقت وہاں لوگ ایک اجتماع کے سلسلے میں جمع تھے۔

صنعا کے علاقے ارہاب سے تعلق رکھنے والے مقامی شخص کا کہنا تھا کہ فضائی حملے میں ایک مقامی قبائلی سردار کے مکان کو نشانہ بنایا گیا تھا۔

مقبول خبریں اہم خبریں

مقبول خبریں