.

بنگلہ دیش: کنگ سلمان سینٹر کی ٹیم کا روہنگیا پناہ گزین کیمپ کا دورہ

پہلی اشاعت: آخری اپ ڈیٹ:

سعودی عرب میں کنگ سلمان ہیومینٹیرین ایڈ اینڈ ریلیف سینٹر نے اعلان کیا ہے کہ ان کے مرکز کی ایک ٹیم نے بنگلہ دیش میں روہنگیا آبادی کے پناہ گزین کیمپوں کا دورہ کیا ہے۔ یہ دورہ بنگلہ دیشی سرکاری اداروں اور ہجرت کی بین الاقوامی تنظیم IMO کے ساتھ رابطہ کاری کے ذریعے عمل میں آیا۔

مرکز کی ٹیم نے جو اس وقت "کاکس بازار" شہر میں موجود ہے پناہ گزینوں کے لیے بنیادی ضروریات کا جائزہ لیا تا کہ مطلوبہ امداد کو بین الاقوامی معیار کے مطابق جلد از جلد فراہم کیا جا سکے۔

یہ اقدام میانمار کے پڑوسی ممالک میں روہنگیا پناہ گزینوں کو امداد تقسیم کرنے کے حوالے سے خادم حرمین شریفین شاہ سلمان بن عبدالعزیز کی خصوصی ہدایات پر عمل درامد کے سلسلے کا حصہ ہے۔

کنگ سلمان سینٹر اس بات کا خواہاں ہے کہ روہنگیا پناہ گزینوں کو زیادہ سے زیادہ فائدہ پہنچانے کے لیے اقوام متحدہ کی تنظیموں اور متعلقہ اداروں کی شراکت سے مثبت نتائج کے حصول کو یقینی بنایا جائے۔