سعودی ولی عہد سے یمنی صدر کی الریاض میں ملاقات

سعودی عرب کے ولی عہد شہزادہ محمد بن سلمان سے الریاض میں یمن کے صدر عبد ربہ منصور ہادی نے ملاقات کی ہے اور ان سے یمن کی تازہ صورت حال پر تبادلہ خیال کیا ہے۔

سعودی پریس ایجنسی کی رپورٹ کے مطابق دونوں رہ نماؤں نے یمن میں جاری بحران کے خاتمے کے لیے کوششوں کے حوالے سے بات چیت کی ہے۔

ملاقات میں سعودی وزیر مملکت ڈاکٹر مسعد بن محمد العبین ، انٹیلی جنس کے سربراہ خالد بن علی الحمیدان ، جنرل انٹیلی جنس کے نائب سربراہ احمد بن حسن عسیری ،یمنی ایوان صدر کے ناظم ڈاکٹر عبداللہ العلیمی اور دیگر یمنی حکام بھی موجود تھے۔