شاہ سلمان اور ہانگ کانگ کی لیڈر کیری لام کا دو طرفہ تعاون کے فروغ پر تبادلہ خیال

سعودی عرب کے فرماں روا شاہ سلمان بن عبدالعزیز سے الیمامہ محل میں ہانگ کانگ کی چیف ایگزیکٹو کیری لام اور ان کے وفد کے ارکان نے اتوار کے روز ملاقات کی ہے۔ انھوں نے سعودی عرب اور ہانگ کانگ کے درمیان مختلف شعبوں میں دوطرفہ تعاون بڑھانے کے طریقوں پر تبادلہ خیال کیا ہے۔

اس موقع پر وزیر داخلہ شہزادہ عبدالعزیز بن سعود بن نایف بن عبدالعزیز ، وزیر مملکت اور شاہی دیوان کے نگران خالد بن عبدالرحمان العیسیٰ ، توانائی ، صنعتوں اور قدرتی وسائل کے وزیر خالد بن عبدالعزیز الفالح ، وزیر خزانہ محمد بن عبداللہ الجدعان اور ہانگ کانگ میں سعودی عرب کے قونصل جنرل عمر بن بخیت البنیان بھی موجود تھے۔