امریکی وزیر خارجہ کا شاہ سلمان سے دوطرفہ تعلقات اور خطے کی صورت حال پر تبادلہ خیال

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

امریکی وزیر خارجہ مائیک پومپیو نے الریاض میں سعودی فرماں روا شاہ سلمان بن عبدالعزیز سے ملاقات کی ہے۔انھوں نے دونوں ملکوں کے درمیان دوطرفہ تعلقات ، مشرقِ اوسط کے خطے میں ہونے والی تازہ پیش رفت اور جاری تنازعات کے حل کے لیے کوششوں کے بارے میں تبادلہ خیال کیا ہے۔

ملاقات میں امریکا میں متعیّن سعودی سفیر شہزادہ خالد بن سلمان ،وزیر مملکت مساعد بن محمد العیبان ،وزیر خارجہ عادل الجبیر اور امریکی محکمہ خارجہ کے بعض اعلیٰ عہدے دار بھی موجود تھے۔

مائیک پومپیو نے امریکی سینیٹ سے اپنے تقرر کی منظوری کے بعد چار روز قبل ہی اپنا عہدہ سنبھالا تھا ۔انھیں صدر ٹرمپ نے ریکس ٹیلرسن کی جگہ امریکا کا وزیر خارجہ مقرر کیا تھا۔وہ ہفتے کے روز سعودی عرب کے سرکاری دورے پر دارالحکومت الریاض پہنچے تھے۔وہ خطے کے اپنے اس پہلے دورے کے اگلے مرحلے میں اردن اور اسرائیل بھی جائیں گے۔

مقبول خبریں اہم خبریں

مقبول خبریں