امریکا میں سعودی عرب کی نئی سفیرشہزادی ریما بنت بندر کون ہیں؟

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سعودی فرمانروا شاہ سلمان بن عبدالعزیز آل سعود نے شاہی خاندان کی شہزادی ریما بنت بندر بن سلطان بن عبدالعزیز آل سعود کو امریکا میں سفیر مقرر کیا ہے۔انھیں سعودی عرب میں وزیر کا پروٹوکول حاصل ہوگا۔

شہزادہ ریما بنت بندر ولی عہد شہزادہ محمد بن سلمان کے دفتر میں ان کی مشیرہ رہ چکی ہیں۔ وہ ملک کی جنرل سپورٹس اتھارٹی کی پلاننگ اینڈ ڈویلپمنٹ کمیٹی کی سیکرٹری کے طور پر بھی کام کر چکی ہیں۔

انھوں‌ نے سنہ 1999ء میں امریکا کی جارج واشنگٹن یونیورسٹی کے ماونٹ فیرون کالج سے آرٹس میں گریجوایشن کی۔ وہ سعودی عرب میں متعدد سرکاری اسپورٹس کمیٹیوں کی سربراہ رہنے والی پہلی سعودی خاتون ہیں۔

شہزادی ریما نے تعلیمی اداروں میں بچیوں کے لیے اسپورٹس کی تعلیم متعارف کرائی اور خواتین کو کھیلوں میں اپنی صلاحیتوں کا لوہا منوانے کی ترغیب دی۔

شہزادی ریما بنت بندر نے شہری فلاح وبہبود کے شعبے بالخصوص چھاتی کے سرطان کی روک تھام کے لیے گراں قدر خدمات انجام دی ہیں۔

انھوں‌ نے چھاتی کے کینسر کی روک تھام کے لیے 10ksa کے عنوان سے کامیاب مہم چلائی جسے گینز بک آف ورلڈ ریکارڈ میں شامل کیا گیا۔ اس کے علاوہ انھوں نے 'الف خیر' کے عنوان سے بھی فلاحی مہم چلائی گئی۔

فوربس جریدے نے حال ہی میں عرب دنیا کی 200 طاقت ور شخصیات کی فہرست شائع کی جس میں شہزادی بندر سولھویں طاقت ور خاتون قرار پائی تھیں۔

مقبول خبریں اہم خبریں

مقبول خبریں