کابل: مسلح افراد کی فائرنگ سے پارلیمنٹ کی مشیر ہلاک

افغانستان کے دارالحکومت کابل میں نامعلوم مسلح افراد کی فائرنگ سے افغان پارلیمنٹ کی مشیر خاتون صحافی جاں بحق ہوگئے۔

امریکی خبر رساں ایجنسی اے پی کی رپورٹ کے مطابق افغان وزارت داخلہ کے ترجمان نصرت رحیمی کا کہنا تھا کہ خاتون صحافی مینا مینگل کو اس وقت نشانہ بنایا گیا جب وہ دفتر سے واپس جا رہی تھیں۔

ان کا کہنا تھا کہ خاتون صحافی افغان پارلیمنٹ کی کلچرل مشیر کے طور پر بھی خدمات انجام دے رہی تھیں۔

نصرت رحیمی نے کہا کہ مسلح حملہ آوروں کی تعداد ایک یا دو تھی جو موقع سے فرار ہوگئے تاہم کابل پولیس نے تفتیش شروع کردی ہے۔