سعودی عرب: تقریب میں فائرنگ کی وڈیو، ذمے داران کی گرفتاری کی ہدایت

سعودی اٹارنی جنرل سعود المعجب نے جمعرات کے روز ہدایات جاری کی ہیں کہ ایک وڈیو کلپ میں نظر آنے والے افراد کے گروپ کو جلد گرفتار کیا جائے جو ایک تقریب میں بھاری ہتھیاروں سے فائرنگ کرتے ہوئے نظر آ رہے ہیں۔

یہ ہدایات مذکورہ وڈیو کے سوشل میڈیا پر وائرل ہونے کے باعث سرکاری استغاثہ کے متعلقہ یونٹ کی نظروں میں آنے کے بعد جاری کی گئی ہیں۔

سعود المعجب نے مطالبہ کیا ہے کہ وڈیو میں فائرنگ کرتے افراد کے خلاف قانونی کے مطابق تمام تر اقدامات کیے جائیں۔ سرکاری استغاثہ نے باور کرایا ہے کہ قانون کے نظام کی خلاف ورزی کرنے والے ہر شخص کے حوالے سے فرائض کو پوری تندہی کے ساتھ انجام دیا جائے گا۔