.

الریاض: شاہ رخ خان نے سعودی عرب کے بارے میں کیا ریمارکس دیے؟

پہلی اشاعت: آخری اپ ڈیٹ:

بالی ووڈ کے دبنگ اداکار شاہ رخ خان نے سعودی عرب میں ایک تفریحی پروگرام میں شرکت کے دوران کہا ہے کہ انہیں توقع ہے کہ ان کی آنے والی فلموں کے لیے سعودی عرب سے زبردست کہانیاں اور شوٹنگ کا موقع مل سکتا ہے۔

انہوں نے ٹویٹر پر ایک پوسٹ میں لکھا کہ " آپ کی مہمان نوازی اور گرم جوش استقبال کا شکریہ۔ سعودی عرب میں میرا بہت اچھا وقت گذرا۔ مجھے آنے والی فلموں کےلیے سعودیہ میں حیرت انگیزکہانیوں کا منتظر ہوں۔ یہ سب ویژن 2030ء کا نتیجہ ہے۔

خیال رہے کہ سعودی عرب کے دارالحکومت الریاض میں دو روز قبل تفریحی اتھارٹی کے زیراہتمام ایک تفریحی پروگرام کا انعقاد کیا گیا تھا جس میں بین الاقوامی شہرت یافتہ فلمی ستاروں کو مدعو کیا گیا تھا۔

"انٹرٹینمنٹ انڈسٹری فورم" کی تقریب اہتمام تقریب میں شاہ رخ خان نے شرکت کی۔

شاہ رخ خان کی اس تقریب میں شرکت قابل ذکر رہی ، جہاں انہوں نے اس پروگرام میں شریک دنیا کے ساتھی فنکاروں سے ملاقات کرتے ہوئے عربی میں گفتگو کی۔

شاہ رخ خان کے علاوہ تقریب مین بین الاقوامی اسٹار جین کلود، ون ڈیم ، جیکی چین اور جیسن موموا کو بھی اعزازسے نوازا گیا۔