یمن: الخنجر کیمپ باغیوں سے آزاد، حوثی جنگجوؤں کا فرار:ویڈیو

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن کی آئینی حکومت کے ماتحت فوج نے عرب اتحادی فوج اور مزاحمتی ملیشیا کی مدد سے شمال مشرقی گورنری الجوف میں واقع تزویراتی اہمیت کے حامل الخںجر فوجی کیمپ کو حوثی باغیوں سے آزاد کرالیا۔ فوج کی طرف سے اس آپریشن کی جاری کردہ ویڈیو میں حوثی باغیوں کو کیمپ سے فرار ہوتے دیکھا جا سکتا ہے۔

العربیہ ڈاٹ نیٹ کے مطابق المحیطہ کے مقام پر واقع الخںجر کیمپ میں کارروائی کے دوران بڑی تعداد میں اسلحہ اور گولہ بارود قبضے میں لیا گیا ہے۔ آپریشن میں کئی حوثی باغی ہلاک اور زخمی ہوئے جب کہ درجنوں جنگجو فرار ہوگئے۔

خنجر کیمپ پر گذشتہ منگل کے روز یمنی فوج نے قبضہ کیا تھا۔اس کے بعد کیمپ کے اطراف کے علاقوں میں بھی پہاڑی علاقوں‌ کو باغیوں سے آزاد کروا لیا گیا ہے۔

یمن فوج کے ترجمان بریگیڈیئر عبدہ مجلی نے بتایا کہ الجوف کے اہم علاقوں خب اور الشعف کے علاقوں کو باغیوں سے آزاد کرالیا ہے۔ ان کا کہنا تھا یہ علاقے الجوف گورنری کے دو تہائی رقبے پرمشتمل ہیں۔

مقبول خبریں اہم خبریں

مقبول خبریں