بیروت: امریکی سفیر کی حزب اللہ مخالف لبنانی دانشور کے تعزیتی ریفرنس میں شرکت

لبنان میں امریکی سفیر ڈوروتھی شایہ نے حزب اللہ کے مقتول ناقد لقمان سلیم کے اعزاز میں منعقد تعزیتی ریفرنس میں شرکت کی۔ یہ تقریب لبنانی دارالحکومت بیروت کے ایسے حصے میں منعقد کی گئی ہے جو حزب اللہ کا گڑھ سمجھا جاتا ہے۔

معروف سماجی کارکن اور دانشور لقمان سلیم کی لاش جمعرات [4 فروری] جنوبی لبنان کے علاقے سے ملی تھی۔ گولیوں سے چھدی لاش کو ایک ویران علاقے میں انہی کی گاڑی میں چھوڑ دیا گیا تھا۔

امریکی سفیر ڈوروتھی شایہ نے اپنی تقریب سے خطاب کرتے ہوئے کہا کہ "لقمان کا قتل ایک وحشیانہ، ناقابل فراموش اور ناقابل قبول عمل ہے۔"

لبنان میں 1975 اور 1990 مدت کے دوران ہونے والی فرقہ وارانہ خانہ جنگی پر تحقیق کے لیے لقمان سلیم نے ایک ریسرچ سنٹر بنا رکھا تھا جہاں وہ اپنی اہلیہ کے ہمراہ دستاویزی فلمیں تیار کرتے تھے۔